登入

節目簡介

「齊齊唱歌,英語不必怕學」,學好英文,都有活潑過癮嘅方法 。 一連十集『反斗英語』又返嚟啦! 透過唔同職場嘅生活片段,加上風趣幽默嘅情節,利用簡單明確嘅英語對話,讓各行各業溝通方式活現眼前,睇咗一定可以笑住學到職場上嘅英語運用,仲有靚仔主持Soler添。每集除咗以生動有趣嘅喜劇去講解職業英語運用,仲有三個環節俾大家享受學習英語嘅趣味。

Catch Me If You Can 英語捉伊人

想追到女神Elva BB (倪晨曦)但英文又麻麻 ?唔洗驚,梁頌康博士會教你正確嘅英語運用。不過追唔到都唔洗嬲嬲豬嘅,起碼喺追Elva BB嘅過程之中,會學到各行業的常見嘅英語應用架。
主演: 倪晨曦
聲演: 楊岳橋

The Sunshine Flower Shop

老闆娘鄭融會向客人解釋花語,講吓花點樣可以配合唔同嘅場合需要,從中帶出不同場合嘅英語對話。呢個環節嘅特點,係以完整英語句子表達,讓觀眾練習如何完整又流暢用英語表達自己。
主演: 鄭融

講好英語

梁頌康博士教你正確嘅英語發音和腔調,睇完就識講又識聽啦。點可以錯過呢?
主持: 梁頌康博士

永久elearning網站 etvonline.hk 除上載節目資訊、製作花絮外,亦會加入關於工作環境的實用英語 ,SOLER話你知等增益學習資料。

職業英語運動 全力支持